كەتمەيمىز

[Subhi]

كەتمەيمىز ( 1907)
ئابدۇللا توقاي
مۇساجان ئەزىزى تەرجىمىسى

قارا يۇزلەر بىزنى ئالداپ مۇرادىغا يەتكىلى،
بۇندا ساڭا يوق ئەرك، سۇلتان يېرىگە كەت، دېدى.

كەتمەيمىز بىز، ئۇندا بىزگە كۈن ئېلىش ئوخشاشلا تەس،
بۇنداق ئون پايلاقچى بولسا، ئۇندا ئاندىن كەم ئەمەس.

بۇندىكىدەك ئۇندىمۇ باردۇر كازاكلار ئەسكىرى،
قامچىسى شۇ كونا قامچا، پەرقى بىرلا پەسلىكى.

شۈكرى لىللا ئۇندىمۇ باردۇر بۇلاڭچى يەتكۈچە،
بۇردا نانغا زار دېھقانغا يۇك-سېلىقچى يەتكۈچە.

بىز ساراڭمۇ ئۆزىمىنى ئوتقا تىرىك ئاتقىلى،
بۇ قىزىق جايدىن كېتىپ، دوزاخ ئازابى تارتقىلى.

بىز كۆچەرمىز، ئەڭ ئاۋال كۆچسە جىمى ئەمسارىمىز، ( شەھەرلىرىمىز
قايىتسا باشقا بۇندا ئۆتكۈزگەن تالاي ئەغسارىمىز. (ئەسىرلەر بويى ئۆتكەن يىللىرىمىز)

تۇغۇلۇپ ئۆستۇقمۇ بۇندا، تەڭ ئۆلەرمىز بۇندا بىز،
بىزنى تاشتەك باغلىۋەتكەن ئۇشبۇ جايغا تەرىمىز.

ئەڭ بۈيۈك نىشانىمىز: ھۆر مەملىكەت- ھۆر روسىيە،
بۇندا بىز مىختەك تۇرارمىز، ئەي گۇرۇھى رو سىياھ! ( قارا يۇز)

ئوپئوچۇق بۇ بىر جاۋاپتۇر، سۆزدە تۈگۈل باسمىدا:
يېسلى لۇچشې، تۇدا سامى پاژالتې گاسپادا!
( سىلەرگە ياخشىراق بولسا، ئۆزەڭلار مەرھەمەت قلىڭلار جاناپلار! )

مەنبە: دۇنيا ئەدەبىياتى

[Sepra]

ئابدۇللا توقاينىڭ نامىنى جىق ئاڭلىغان، ئەمما شېىرلىرنى تۈزۈك كۆرمەپتىكەنمەن... بەك ياخشى شېئىركەن، سىزگە رەخمەت ~!