فىليەتۇن--- بىھۇدە ئەجەل

[Teshna]

بۇ فىليەتۇن «شىجاڭ مەدەنىيىتى» ژورنىلىنىڭ 2007-يىللىق 3-سانىغا بېسىلغان ، ئەتراپىمدا مۇشۇنداق ئىش-ھەركەتلەر ۋە خىيال-پىكىرلەردە بولىۋاتقان كىشىلەر جىق بولغاچ بۇ ئەسەر ماڭا ياراپ قالدى . تورداشلار بىرگە ئورتاقلاشساق بولىدۇ . سەل قىسقارتىپ يوللىدىم قەلەم ھەققىي بەرمىگەندىكىن ...
======================================================
چۈش ۋاقتى ئىدى.بىرقانچە كىشى ئاشخانىدا تاماق يەۋېتىپ خەلقارا ۋەزىيەت ھەققىدە مۇنازىرىلىشىۋاتاتتى. مۇنازىرە تېمىسى ئىراق ئۇرۇشىغا يۆتكەلگەندە سورۇن تېخىمۇ قىززىپ كەتتى .
-بوش دىگەن كاپىر ئىبلىسنىڭ ئۆزىكەن،-دىدى شاپ بۇرۇت بىرەيلەن بېشىدكى مايلىشىپ رەڭگى ئۆڭگەن دوپپىسىنى سەل كەينىگە سۈرۈپ قويۇپ، -بىكاردىن بىكار جىم تۇرغان دۆلەتكە ھۇجۇم قىلىپ مۇسۇلمانلارغا كۈن بەرمەيۋاتىدۇ، سادام قالتىس ئەزىمەت ئىدى، يەنە شۇ گۇيلار دارغا ئېسىۋەتتى ئەمەسما؟
-سادامنى ئاغدۇرۋەتكىنى توغرا، ئۇ دېگەن مۇستەبىت زالىم. 20 نەچچە يىلدىن بۇيان ھوقۇقنى ھىچكىمگە بەرمەي پادىشاھ بولىۋالغان. بۇنداق زوراۋاننى يۈز قېتىم دارغا ئاسسىمۇ ئازلىق قىلىدۇ.
يەنە بىر يىگىت شىرەگە مۇشتلاپ تۇرۇپ ، تاماكىسىنى قىڭغىر چىشلىگەن ھالدا سۆزىنى داۋام قىلدى،-دۇنيانىڭ كۆزى بار. ئۇ كوردلارنى قىرغان، شۇڭا بوش ئۇنىڭ ئەدىپىنى بەردى، ئەركەككەن!
شاپ بۇرۇتنىڭ ئاچچىقتىن كۆزلىرى چەكچىيىپ كەتتى:
-ئۇكاموي، مۇسۇلمانمۇ سەن نىمە؟ قاراپ تۇرۇپ بىر كاپىرنىڭ تەرىپىنى ئېلىۋاتىسەنغۇ؟ قايسىبىر ھۆكىمەت ئۆزىگە قارشى چىققانلارنى جازالىمايدۇ؟ ئەتە-ئۆگۈن بوش ئاچاڭنى بۇلاپ كەتسىمۇ چاۋاك چالغۇدەكسەن بۇ ئەپتىڭدىن.
-ئاناڭنى، نېمە دەۋاتىسەن! سادامغا ئاتاپ قويغان قىزىڭ بارمىدى گۇي، تۇل قالىدىغانغا... ...
ھەش-پەش دېگۈچە ئىككەيلەن ياقىلىرىدىن ئېلىشىپ پومداقلىشىپ كەتتى...
... ...
تۇيۇقسىز «ۋايجان» دېگەن ئاۋاز بىلەن تەڭ ھەممەيلەن ئالاقزادىلىك ئىچىدە كەينىگە داجىشتى. ئورۇق يىگىت قولىدىكى قان تامچىلاپ تۇرغان پىچاققا قارىغىنىچە ھەيكەلدەك قېتىپ تۇراتتى .
ساقچىلار كەلدى.جەسەت توڭلىتىش ئۆيىگە، قاتىل تۈرمىگە ئېلىپ بېرىلدى. ھالبۇكى سادام گۆرىدە، بوش ئاقسارايدا خاتىرجەم ئىدى .
_________________
ياشلىقتا ئىزدەن ، قىرانلىقتا ئويلان ، ئارىفلىقتا ئىز قالدۇر ... ئەمما بۇ ئىزلار ئەلۋەتتە ياشلىقتىن باشلانغان بولىدۇ ...

[Atirgul]

ھې ھې ھې ........ ئەتىرگۇل مىيىغىدا كۈلۈپ قويۇپ خەرىتىسىنى سىزىۋەردى. (ئادەم ئۆلدى دەۋاتسا ، يەنە كېلىپ ماۋۇ ئوت يۇرەك ، ۋىجدانلىق يىگىتلەرنىڭ قولىدىن قان تامچىۋاتسا .....ۋاي ئاتتام... ۋاي ئانام ..... دىمەي خىيالىدا يوق ئولتۇرۇپ ئۆز ئىشىنى قىلىۋاتىدا.... قانداق باغرى تاش قىز بالا ماۋۇ......) ........... .
_________________
چاقناي دىسەڭ ئۇيغۇرۇم ئاي بولايمۇ يۇلتۇزمۇ؟!

[Teshna]

تەشنامۇ مىيىغىدا كۈلۈپ قويدى ...
( ئۇنىڭ ئېسىگە 战争让女人走开 دېگەن كىنونىڭ ئىسمى كەلگەن ئىدى ... )

_________________
ياشلىقتا ئىزدەن ، قىرانلىقتا ئويلان ، ئارىفلىقتا ئىز قالدۇر ... ئەمما بۇ ئىزلار ئەلۋەتتە ياشلىقتىن باشلانغان بولىدۇ ...