Izdiyari

Mozilla FireFox 3.5 رەسمىي نەشرى تارقىتىلدى...

Mozilla ئورگان تەرەپ Mozilla FireFox نىڭ 3.5 رەسمىي نەشرىنى ھەرقايسى تىل ھۆججەتلىرىنى TraceMonkey JavaScript موتورى بىلەن قوشۇپ تارقاتتى. يېڭى نەشرىنىڭ سۈرئىتى ناھايىتى تېز بولۇپ، HTML5 كېلىشىمىدە قىستۇرۇلغان سىنفىلىملىرىنى ۋە JavaScript ئارقىلىق قىستۇرۇلغان رەسىم، سىنفىلىملىرىنىمۇ ئۈچۈنجى تەرەپنىڭ ئىقتىدار قوشۇلمىلىرىنى ئىشلەتمەستىن قوللايدۇ.
خەنزۇچە نەشرى ئۈچۈن تۆۋەندىكى ئۇلىنىشقا قاراڭ:
ftp://ftp.mozilla.org/pub/mozilla.org/firefox/releases/3.5/win32/xpi/zh-CN.xpi

خەلق تورى ئۇيغۇر قاتارلىق تۆت ئاز سانلىق مىللەتنىڭ تور بېتىنى يېڭىدىن يولغا قويدى

خەلق تورى، بېيجىڭ، 19-ئىيۇن تېلېگراممىسى . خەلق تورىنىڭ ئاز سانلىق مىللەت تىل – يېزىقىدىكى تور بەتنى يولغا قۇيۇشى يېڭى بىر بۆسۈش ھاسىل قىلدى.بۈگۈنكى كۈندە خەلق گېزىتىنىڭ ئۇيغۇر، قازاق،يىزۇ، جۇاڭزۇ يېزىقىدىكى تور بەتلىرىمۇ داغدۇغىلىق ھالدا ئېچىۋىتىلدى. ھازىر خەلق گېزىتىنىڭ مۇڭغۇل، زاڭزۇ، ئۇيغۇر، قازاق ،چاۋشىيەن ، يىزۇ، جۇاڭزۇ قاتارلىق يەتتە ئاز سانلىق مىللەت يېزىقىدىكى تور بېتى بار بولۇپ ، خەلق گېزىتى پارتىيە قۇرۇلتىيى،خەلق قۇرۇلتىيى بىلەت تاشلاش ئارقىلىق بەلگىلەپ چىققان يەتتە ئاز سانلىق مىللەت يېزىقىنى ئۆز ئىچىگە ئالغان ئاز سانلىق مىللەتلەر تىلىدىكى بىكەتلەر توپىنى قۇرۇپ چىقىش لايىھەسىنى ئەمەلگە ئاشۇردى. شۇنىڭ بىلەن بىرگە خەلق گېزىتىنىڭ ئۇيغۇرچە يانفۇن گېزىتى ۋە زاڭزۇچە يانفۇن گېزىتىمۇ پۈتۈن مەملىكەتكە تارقىتىلىشقا باشلىدى.
http://uyghur.people.com.cn
http://kazakh.people.com
http://yi.people.com.cn
http://sawcuengh.people.com.cn

ئەپچىل دېتاللاردىن بىر تەۋسىيە (10)

Windows نىڭ كۆزنەك نامى ۋە ھالەت قۇرلىرى، دىئالوگ رامكىلىرىدىكى شۇنداقلا كۇنۇبكىلاردىكى خەتلەرنىمۇ كۆچۈرگىلى بولمايدۇ. Windows Text Copyer بولسا دەل ئاشۇنداق خەتلەرنىڭ كۆچۈرۈشتە ئىشلىتىلىدىغان ئاددىي قورال. بۇ دېتالنىڭ خەت تۇتۇش بەلگىسىنى ئۈستەل يۈزلىكىگە قويسىڭىز بارلىق ھۆججەتلەرنىڭ ئىسمىنى تۇتۇۋالىدىكەن. چوڭلىقى 270.67KB بولۇپ، ئىشلىتىش ئۇسۇلى بەكمۇ ئاددىي. قېنى سىناپ بېقىڭ.
چۈشۈرۈش مەنزىلى:
http://file6.brsbox.com/download.php?sid=e6c4f7e2d664181ed460b944947e12fa&fc=f0e86b2901756e8fc1a3c63c1d36d3cf/WindowsTextCopyer-Appinn.com.7z
بۇ يەردىن چۈشۈرسىڭىزمۇ بولىدۇ:
http://www.x-beta.cn/software/windows-text-copyer.html

Windows Vista SP2 ۋە Server 2008 SP2 رەسمىي نەشرى...

مىكروسوفت تەرەپ بۈگۈن Windows Vista SP2 ۋە Server 2008 SP2 نىڭ رەسمىي نەشرى ( مۇستەقىل قاچىلىنىدىغان) نى تەڭلا تارقاتتى. بىراق ھازىرچە خەنزۇچىسى يوق بولۇپ، ئېنگىلىزچە، نېمىسچە، فرانسۇزچە، ياپونچە ۋە ئىسپانچە تىللارنى قوللايدىكەن.
مۆلچەرلىنىشىچە مىكروسوفت تەرەپ كېيىنكى ھەپتىلەردە SP2 نەشرىنى Windows Update ئارقىلىق يېڭىلىشى مۈمكىن ئىكەن.

Avira AntiVir Personal 9.0.0.394 ھەقسىز ۋىرۇسخور...

AntiVir بولسا Avira شىركىتىنىڭ ۋىرۇسخورى بولۇپ، ئىقتىدارى مۇكەممەل، سۈرئىتى تېز بولۇشتەك ئالاھىدىلىكلىرى بىلەن نۇرغۇن مۇكاپاتلارغا ئېرىشكەن. Avira AntiVir Personal Edition Classic بولسا ئۇنىڭ ھەقىقىي ھەقسىز نەشرى بولۇپ، يۈزلىكى ئاددىي، سۈرئىتى تېز، سىغىمىمۇ كىچىك ، كونا كومپيۇتېرلارغىمۇ ماس كېلىدۇ.
چۈشۈرۈش مەنزىلى:
http://dlce.antivir.com/package/wks_avira/win32/en/pecl/avira_antivir_personal_en.exe

Ubuntu 9.04 رەسمىي نەشرى ئېلان قىلىندى...

Ubuntu نىڭ سودا جەھەتتىكى قوللىغۇچىسى Canonical شىركىتى 23-ئاپرېل ئامېرىكا شەرقىي قىسىم ۋاقتى 12 دە، ئىشلەتكۈچىلەرگە Ubuntu 9.04 Desktopنى چۈشۈرۈشكە بولىدىغانلىقىنى جاكارلىدى. شۇنىڭ بىلەن بىرگە مۇلازىمېتىر نەشرى ۋە مەخسۇس يان كومپيۇتېرلارغا ئىشلەنگەن نەشرلىرىنىمۇ ئېلان قىلدى.
يېڭىلىقلار ۋە مۇناسىۋەتلىك ئۇچۇرلار ئۈچۈن بۇ يەرگە مەرھەمەت قىلىڭ:
https://wiki.ubuntu.com/JauntyJackalope
چۈشۈرۈش ئۈچۈن:
http://releases.ubuntu.com/9.04/

Microsoft Internet Explorer 8 رەسمىي نەشرى تارقىتىلدى...

Microsoft Internet Explorer تور ساھەسىدە ئەڭ كۆپ ساننى ئىگىلەيدىغان توركەزگۈلەرنىڭ بىرى بولۇش سۈپىتى بىلەن بۇ ساھەدە مۇتلەق ئۈستۈنلىكنى قولدىن بەرمەي كېلىۋاتىدۇ . بۈگۈن مىكروسوفت ئورگان تەرەپ Microsoft Internet Explorerنىڭ ئەڭ يېڭى نەشرى Microsoft Internet Explorer 8 نى رەسمىي تارقاتتى. IE8 دە تۆۋەندىكىدەك ئىقتىدارلار ئىشقا ئاشۇرۇلغان:
* مەشقۇلات ئاددىيلاشتۇرۇلدى. سىز قىزىقىدىغان ئۇچۇرلارغا ئاپتوماتىك ئېرىشىپلا قالماي يەنە بىرلا كۇنۇبكا ئارقىلىق ئىز قوغلاپ، ئۆزىڭىز قىزىققان مۇناسىۋەتلىك ئۇچۇرلارنى تاپالايسىز؛
* شەخسىي مەخپىيەتلىكىڭىز يۈكسەك دەرىجىدە كاپالەتلەندۈرۈلگەن بولۇپ، سىز زىيارەت قىلغان جايلاردىن مۇناسىۋەتلىك ئۇچۇرلىرىڭىزنىڭ ئاشكارىلىنىپ قېلىشنىڭ ئالدى ئېلىنغان؛
* ھەرخىل شۇمكودلارنىڭ سىزگە خەۋپ يەتكۈزمەسلىكىگە كاپالەتلىك قىلىنغان.
چۈشۈرۈش مەنزىلى:
Windows XP x86 ئۈچۈن
http://download.microsoft.com/download/1/6/1/16174D37-73C1-4F76-A305-902E9D32BAC9/IE8-WindowsXP-x86-CHS.exe
Windows Vista x86 ئۈچۈن
http://download.microsoft.com/download/7/9/7/7973BA4C-09AA-46E7-ADBF-D18077F8A241/IE8-WindowsVista-x86-CHS.exe
*********************************************
باشقا نەشرلىرى ئۈچۈن www.microsoft.com نى زىيارەت قىلىڭ.

Google نىڭ باياناتى...

تۆنۈگۈن 55 مىۇت داۋاملاشقان يەرشارى خاراكتىرلىك ئاۋارىچىلىق ـــ Google ئىزدىگۈچىدە ھەممە توربەتلەرنى شومكود*لۇق بەت دەپ دەپ كۆرسۈتۈش ۋەقەسىگە Google ئورگان تەرەپ بۈگۈن چۈشەنچە بەردى.
Google تەرەپنىڭ دىيىشىچە تۆنۈگۈن Google نىڭ ئىزدەش نەتىجىسىدىن ئېچىلغان ھەرقانداق بەتتە This site may harm your computer دېگەن ئۇچۇرنىڭ چىقىۋېلىش سەۋەبى Google تەرەپتە بولماستىن، ئۇلار بىلەن ھەمكارلاشقان StopBadware.org تەشكىلاتى يوللىغان شۇمكودلۇق بەتلەر تىزىملىكىدە بىر «/» نىڭ تىزىملىككە ئارتۇق قوشۇلۇپ قالغانلىقى سەۋەبىدىن ئىكەن. بەختكە يارىشا بۇ مەسىلە ئۆز ۋاقتىدا ھەل قىلىندى. Google تەرەپ بارلىق ئىشلەتكۈچىلەرگە ئېلىپ كەلگەن قولايسىزلىقلاردىن كەچۈرۈم سورايدىغانلىقىنى بىلدۈردى.

يۇقۇرى ئېنىقلىقتىكى فوتو سۈرەت ئاپپاراتى ــ GigaPan Epic

GigaPan Systems يېڭى مەھسۇلات GigaPan Epic ناملىق فوتو ئەسۋابىنى ئېلان قىلدى. بۇ ئەسۋابتا نەچچە يۈز مىليون پىكسېل ئېنىقلىقتىكى فوتو سۈرەت شەكىللەندۈرەلەيدىغان بولۇپ، بۇ قېتىم ئوبامانىڭ قەسەم بېرىش مۇراسىمىدا بۇ تېخنىكا ئىشلىتىلگەن، ھەمدە 1474 مېگاپىكسېللىق يۇقۇرى ئېنىقلىقتىكى سۈرەت تارتىلغان بولۇپ، مەيداندىكى ھەربىر كىشىنىڭ چىرايىغىچە ئېنىق كۆرگىلى بولىدىكەن. دىققەت قىلىشقا تېگىشلىك يېرى بۇ سۈرەت بىرلا قېتىمدا تارتىلمىغان بولۇپ، GigaPan Epic نىڭ ئىنچىكە ھېسابلاش تېخنىكىسى ئارقىلىق بۆۈلپ تارتىلغان ئىكەن. مەزكۇر ئەسۋابنىڭ ھازىرقى باھاسى 450 دوللار ئىكەن.
1474 مېگاپىكسېللىق ئەسەرنى كۆرۈپ بېقىڭ:
http://gigapan.org/viewGigapanFullscreen.php?auth=033ef14483ee899496648c2b4b06233c

JPEG XR فورماتى بارلىققا كەلدى...

JPEG XR بولسا مىكروسوفت بارلىققا كەلتۈرگەن يېڭى رەسىم فورماتى بولۇپ، JPEG گە قارىغاندا تېخىمۇ كۆپ ئالاھىدىلىكلەرگە ئىگە.
بىرلەشمە گىرافىك مۇتەخەسىسلەر گۇرۇپپىسى ( Joint Photographic Experts Group ــ JPEG ئەڭ دەسلەپ JPEG ئۆلچىمىنى تۇرغۇزغان جەمئىيەت ) نىڭ مۇشۇ ئايدىكى يىغىنىدا مەزكۇر ئۆلچەم يىل ئاخىرىغىچە يولغا قويۇلۇشىنى ئۈمۈد قىلىمىز دېدى.
JPEG بولسا 8لىك مەنبەئە كودى بىلەن 256 خىل رەڭنى ئىپادىلەيدۇ، JPEG XR بولسا 16 لىك مەنبەئە كودىنى ئىشلىتىدۇ؛ JPEG XR نىڭ يەنە بىر ئالاھىدىلىكى، يۇقۇرى ئۈنۈملىك پىرىسلاش فورمۇلاسى بولۇپ، ئوخشاش چوڭلۇقتىكى ھۆججەت سېلىشتۇرمىسىدا JPEG XR نىڭ ئېنىقلىق دەرىجىسى 2 ھەسسىدىن يۇقۇرى بولىدۇ؛ JPEG XR رەسىملەرنى ئۇششاق بىرلىكلەر بويىچە كودلىغانلىقى ئۈچۈن تېز سۈرئەتتە چوڭايتقىلى بولىدۇ؛
مىكروسوفت تەرەپ JPEG XR نىڭ كەڭ دائىرىدە قوللىنىلىپ، JPEG نىڭ ئورنىنى ئېلىشىنى ئۈمۈد قىلىدۇ.